Santiago, 10 de xuño de 2025.- O ForoESGal celebrará o vindeiro luns, día 16, o Día da Economía Social Galega, unha xornada de especial relevancia para o sector que contará coa presenza das diferentes familias que dan vida ao Foro así como de representantes institucionais. A actividade, que terá como escenario o Hotel Puerta del Camino de Santiago de Compostela, dára comezo ás 12.00 horas coa benvida do presidente do Foro pola Economía Social Galega, Mino Martínez.
A continuación, será a quenda para a inauguración institucional, da man do presidente de Caixa Rural Galega, Manuel Varela; o Secretario Xeral de Emprego e Relacións Laborais da Xunta, Pablo Fernández; e o Delegado de Goberno en Galicia, Pedro Blanco.
Ás 13.00 horas desenvolverase a mesa redonda "O camiño do ForoESGal: mirada dende a orixe", na que intervirán José Antonio Vázquez (ex presidente de Cegasal e fundador do ForoESGal); Pepe Montes (expresidente de Agaca e fundador do ForoESGal); Miguel Fernández (expresidente de Aeiga e fundador do ForoESGal); Eduardo Salido (presidente de Aesgal e fundador do ForoESGal); e Ana Olveira (presidenta de EspazoCoop e Vicepresidenta segunda do ForoESGal). Como moderadora actuará Carmen Rodríguez, presidenta de Agaca e vicepresidenta 1ª do ForoESGal.
Ás 14.00 horas, terá lugar a clausura institucional a cargo do Conselleiro de Emprego, Comercio e Emigración José González.
Un cóctel-networking poñerá o colofón á xornada.