Foro

Acerca de nós

Nacemos o 19 de xaneiro de 2018. O Foro pola Economía Social Galega está formado inicialmente polas organizacións máis representativas das diferentes familias da economía social de Galicia: a Asociación de Empresas de Inserción de Galicia (AEIGA), a Agrupación Empresarial de Sociedades Laborais de Galicia (AESGAL), a Asociación Galega de Cooperativas Agroalimentarias (AGACA), a Asociación Empresarial Galega de Centros Especiais de Emprego sen Ánimo de Lucro (CEGASAL) e Espazocoop, Unión de Cooperativas Galegas.

 Dende o Foro pola Economía Social Galega aglutinamos a 371 entidades e organizacións que sosteñen 9.726 empregos directos, e xeran un volume de ingresos de máis de 1.600 millóns de euros.

Obxectivos principais 

• Visibilizar a economía social perante a sociedade galega e o resto de axentes políticos, económicos e sociais, representando diante deles os intereses da economía social.

• Xerar condicións para o desenvolvemento das entidades da economía social a través da intercooperación e o acceso aos procesos de contratación pública.

Misión

O Foro pola Economía Social Galega é unha iniciativa socio-empresarial representativa da Economía Social en Galicia, lugar de encontro das distintas familias que a compoñen e portavoz das súas demandas e propostas, ao tempo que actor principal para favorecer o impulso, visibilidade e recoñecemento da Economía Social como motor de xeración de emprego, democracia económica, sustentabilidade, desenvolvemento rural e distribución de riqueza en Galicia.

Visión

O Foro pola Economía Social Galega aspira a ser a entidade de referencia no ámbito da Economía Social en Galicia, con vocación de influencia na sociedade e de transformación social, consolidando os valores e principios da Economía Social, fomentando a intercooperación entre as distintas familias que a compoñen, colaborando na consecución dunha economía baseada na primacía das persoas, o desenvolvemento sostible e a responsabilidade social.

Entidades socias

A organización representativa do cooperativismo agrario galego, ofrecendolles formación, información e asesoramento a través da súa estrutura.

Enderezo:
Rúa de Tomiño, 22, Entlo
15703 Santiago de Compostela

Teléfono: 981 58 47 83
Web: http://agaca.coop/

Asociación que agrupa ás cooperativas galegas. Representa, defende e presta servizos ás cooperativas, ademais de apoiar a súa consolidación e crecemento.

Enderezo:
Rúa do Hórreo, 104
15701 Santiago de Compostela

Teléfono: 981 57 55 78
Web: https://espazo.coop/

Entidad de referencia, defensa, promoción y representación de las iniciativas empresariales sin ánimo de lucro de Economía Social.

Enderezo:
Rúa de Modesto Brocos, 7
15704 Santiago de Compostela

Teléfono: 981 57 46 98
Web: http://cegasal.com/

Entidade que defende e representa os intereses das sociedades laborais galegas, achegando unha forma de facer empresa en colectivo e respetuosa.

Enderezo:
Rúa da República de El Salvador, 27, 1ºB
15701 Santiago de Compostela

Teléfono: 981 55 34 06
Web: http://aesgal.org/

Entidade social sen ánimo de lucro que está a traballar no ámbito da inclusión sociolaboral dos colectivos denominados en risco de exclusión social.

Enderezo:
Rúa dos Concheiros, 33.
15704 Santiago de Compostela

Teléfono: 881 95 74 52
Web: https://www.aeiga.org