Ola! Utilizamos cookies propias e de terceiros para analizar o uso desta web e mellorar a túa experiencia de navegación. Ao continuar navegando entendemos que aceptas a nosa política de cookies.

   Saber máis - Aceptar.

© FOROESGAL, Foro pola Economía Social Galega

Foroesgal

Os fondos comunitarios deben axudar a consolidar os proxectos galegos de economía social

• O presidente do Foro pola Economía Social Galega reuniuse esta mañá coa conselleira de Emprego e Igualdade a quen lle trasladou a importancia de que os fondos comunitarios permitan a consolidación e desenvolvemento dun modelo económico diferente como o que promoven as entidades que conforman a organización.

• O Foro creouse en 2018 e na actualidade representa a máis de 4.700 empresas en Galicia, que empregan a 24.900 traballadores.

 

O aproveitamento dos fondos de recuperación europeos para consolidar e desenvolver os proxectos galegos vinculados á economía social centrou a reunión dos dirixentes do Foro pola Economía Social Galega coa conselleira de Emprego e Igualdade da Xunta de Galicia, María Jesús Lorenzana.

Desta forma, Celso Gándara, presidente do Foro, quixo trasladarlle á conselleira os proxectos estratéxicos do sector e a importancia, cada vez maior, da economía social na comunidade autónoma galega. Neste sentido, referiuse aos diferentes modelos de empresas que conforman o Foro e que están presentes en todo tipo de actividades, xerando emprego inclusivo e de calidade e fomentando a cohesión territorial e a sustentabilidade ambiental.

Na reunión tamén se falou da importancia do recoñecemento por parte das institucións da economía social como un axente económico máis e da importancia da súa participación nas mesas e foros nos que se debate o futuro de Galicia. Gándara tamén agradeceu á responsable de Emprego e Igualdade o encontro, que supón a primeira toma de contacto con este novo departamento da Xunta de Galicia.

 

Por algún motivo no se a completado la carga de la galeria, pincha el botón recargar para intentarlo de nuevo.

Recargar